საქართველოს განათლებისა და მეცნიერების სამინისტრო აკაკი წერეთლის დაბადებიდან 170-ე წლისთავისადმი მიძღვნილი კვირეულის ფარგლებში ზოგადსაგანმანათლებლო სკოლის მოსწავლეებისთვის აცხადებს ვებ-კონკურსს ”როგორ ვიცნობთ აკაკის შემოქმედებას”. კონკურსი გულისხმობს ონლაინ რეჟიმში აკაკის შემოქმედებისა და ბიოგრაფიის ამსახველი დახურული ტიპის ტესტის შევსებას, რომელიც მოიცავს 70 კითხვას. მოსწავლე, რომელიც ყველაზე სწარაფად მიაღწევს ყველაზე მაღალ შედეგს გამოცხადდება გამარჯვებულად და პრიზის სახით მიიღებს პერსონალურ კომპიუტერს.კონკურსი დაიწყება 26 ოქტომბერს 9:00 საათზე და დასრულდება 21:00 საათზე. მასში მონაწილეობისათვის მოსწავლე უნდა დარეგისტრირდეს სამინისტროს ოფიციალურ ვებგვერდზე (www.mes.gov.ge) გამოტანილ ბანერზე სახელწოდებით ”როგორ ვიცნობთ აკაკის შემოქმედებას”. რეგისტრაციის დასრულების შემდეგ კონკურსანტი იწყებს ტესტის შევსებას. შედეგი (დროის რა მონაკვეთში რა რაოდენობის კითხვებს გაეცა სწორი პასუხი) ტესტირების დასრულებისთანავე იქნება შესაძლებელი.
კონკურსში გამარჯევბული მოსწავლე დაჯილდოვდება 29 ოქტომბერს საქართველოს განათლებისა და მეცნირების სამინისტროში.
