2011 წლის 11 დეკემბერს სატელევიზიო გადაცემა "ეტალონის" მონაწილეები იყვნენ ქუთაისელი მოსწავლეები.მასწავლებლებთან და მშობლებთან ერთად მათ მხარს უჭერდნენ ქუთაისის მერი, ბ–ნი გ. თევდორაძე, ქალაქის საკრებულოს თავმჯდომარე, ბ-ნი ა. ხვადაგიანი, ქუთაისის საგანმანათლებლო რესურსცენტრის ხელმძღვანელი, ბ–ნი ა. ლოსაბერიძე.გადაცემის მონაწილეები წარმატებულ მოსწავლეები არიან, მათ შორის გამარჯვება მოიპოვა ი. ოცხელის სახელობის ქუთაისის №2 საჯარო სკოლის მე-12 კლასის მოსწავლემ, თათია თურმანიძემ. იმ დღეს მას ტაშს უკრავდა მთელი დარბაზი, მაგრამ განსაკუთრებით ხარობდა ჩვენი სკოლის თითოეული მასწავლებელი, მოსწავლე, მშობელი. თავისი ინტელექტით, გონიერებით, ცოდნის დონით,მონდომებით თათია, მართლაც, კარგი მოსწავლის ეტალონია. მთელი სკოლა დიდი სიხარულით ულოცავს მას ღირსეულ გამარჯვებას და წარმატებას უსურვებს თავისი სკოლისა და ქვეყნის სასახელოდ.
