დღეს, 13 ნოემბერს, იოსებ ოცხელის სახელობის ქალაქ ქუთაისის №2 საჯარო სკოლაში პედაგოგებისთვის და მოსწავლეებისთვის სკოლის ვებვერდის წარდგენა გაიმართა. დღესვე, გამოცხადდა მოსწავლეთა I სამეცნიერო კონფერენცია, რომელიც ჩატარდება 2015 წლის 16 დეკემბერს და იგი მიეძღვნება იოსებ ოცხელის დაბადებიდან 150 წლისთავს.
სკოლის განახლებული ვებგვერდი წარადგინა საერთაშორისო და კულტურულ-საგანმანთლებლო პროგრამების კოორდინატორმა, ხათუნა ჯავახაძემ. მან აღნიშნა, რომ ვებგვერდზე თითქმის ყოველდღიურად თავსდება ინფორმაცია სასკოლო თუ კულტურული აქტივობების შესახებ და პედაგოგებსა და მოსწავლეებს შესთავაზა, რეგულარულად წარმოადგინონ ინფორმაცია მათ მიერ განხორციელებული აქტივობებზე, რომლებიც განთავსდება სკოლის ვებვერდზე.
სკოლის დირექტორმა, მურად ჯიშკარიანმა მოსწავლეთა I სამეცნიერო კონფერენციის შესახებ აღნიშნა, რომ იდეის მიზანია, უფროსკლასელებმა შეიძინონ კონფერენციაში მონაწილეობის გამოცდილება და სამეცნიერო საქმიანობის შესახებ პრაქტიკული უნარები. გარდა ამისა, ბატონმა მურადმა მოსწავლეებს აცნობა, რომ კონფერენციის მოხსენებები დაიბეჭდება და გადაეცემა ქუთაისის საჯარო სკოლებს და განათლების რესურს-ცენტრს.
ხათუნა ჯავახაძემ მონაწილეებს გააცნო სამეცნიერო კონფერენციაში მონაწილეობის პირობები.
დღევანდელი შეხვედრის საინტერესო ნაწილს წარმოადგენდა სკოლის ჭიშკრის მაკეტის წარდგენაც. მაკეტი პედაგოგებს და მოსწავლეებს მათემატიკის კათედრის გამგემ, ქალატონმა ნანი ჟორჟოლიანმა გააცნო.
